به‌خێربێن بۆماڵه‌خنجیلانه‌که‌ی هه‌ڵه‌بجه‌       مشتێک له‌خه‌رمانی سه‌رگوزه‌شته‌کانی شار

ڕاگه‌یاندنی ئاسایشی شاره‌زوو ئه‌نجامی دادگایكردنی چه‌ند تاوانبارێك ئاشكرا ده‌كات .

له‌ڕاگه‌یندراوێكدا كه‌ وێنه‌یه‌كی ده‌ست ماڵپه‌ری هه‌ڵه‌بجه‌  كه‌وتووه‌ به‌ڕێوبه‌رێتی ئاسایشی شاره‌زوور له‌ماوه‌ی پێشوو چه‌ند تاوانبارێكی ده‌ستگیر كرد ، دوای لێكۆڵێنه‌وه‌ی ته‌واو دادگا بڕیاری كۆتایی به‌سه‌ریاندا  چه‌سپاندوه‌ ئه‌مه‌ی خواره‌وه‌ ده‌قی ڕاگه‌یندراوه‌كه‌ی  ئاسایشی شاره‌زووره‌ .

پاڵپشت به‌بڕیاری‌ دادگا له‌ لایه‌ن هێزه‌كانی‌ ئاسایشی‌ شاره‌زووره‌وه‌ چه‌ند تاوانبارێك ده‌ستگیر كراون به‌ پێویستمان زانی‌ ئه‌نجامی‌ كۆتایی‌ حوكم دانی‌ ئه‌و تاوانبارانه‌ ڕابگه‌یه‌نین بۆ ڕای‌ گشتی‌ بۆ ئه‌وه‌ی‌ ئاگادار بن له‌ سزادانی‌ كه‌سانی‌ تاوانبار و هه‌روه‌ها ده‌ستگیر كردنی‌ كه‌سێك به‌ هۆی‌ كێشانی‌ مادده‌ی‌ هۆشبه‌ر ه‌وه‌ به‌م شێوه‌یه‌ی‌ خواره‌وه‌ :
1: ( ئا . ق . ر ) به‌ فه‌رمانی‌ دادوه‌ری‌ لێكۆڵینه‌وه‌ی‌ ئاسایشی‌ شاره‌زوور له‌ به‌رواری‌ 17/5/2011 ده‌ستگیر كراوه‌ به‌ پێ‌ ی‌ مادده‌ی‌ (3/5) ی‌ تیرۆر .. له‌ 21/1/2012 دادگای‌ هه‌میشه‌یی‌ هێزه‌كانی‌ ئاسایشی‌ ناوخۆ بڕیاری‌ سزادانی‌ دا به‌ زیندانی‌ كردنی‌ بۆ ماوه‌ی‌ (10) ساڵ به‌ پێ‌ ی‌ مادده‌ی‌ (156) قانونی‌ عقوباتی‌ عێراقی‌ .
2: ( ك . ح . م ) له‌ 22/11/2011 دادگای‌ هه‌میشه‌یی‌ هێزه‌كانی‌ ئاسایشی‌ ناوخۆ بڕیاری‌ سزادانی‌ دا به‌ زیندانیكردنی‌ بۆ ماوه‌ی‌ پێنج ساڵ و یه‌ك مانگ به‌ پێ‌ مادده‌ی‌ (327 ) قانونی‌ عقوباتی‌ عێراقی‌ .
3: ( أ . ف . م ( له‌ 8/9/2011 له‌ لایه‌ن هێزه‌كانی‌ ئاسایشی‌ ته‌وێڵه‌ی‌ سه‌ر به‌ به‌ڕێوه‌به‌رایه‌تیمان به‌ بڕی‌ (200گم ) تلیاكه‌وه‌ ده‌ستگیر كرا به‌ فه‌رمانی‌ دادوه‌ری‌ لێكۆڵینه‌وی‌ ئاسایشی‌ شاره‌زوور به‌ پێ‌ ی‌ مادده‌ی‌ (14 ی‌ مخدرات) له‌ 16/1/2011 دادگای‌ تاوانه‌كانی‌ سلێمانی‌ سزای‌ پێنج ساڵ زیندانی‌ به‌ سه‌ردا سه‌پاند .

له‌ لایه‌كی‌ كه‌وه‌ به‌ زانیاری‌ به‌ڕێوه‌به‌رایه‌تیمان و له‌ لایه‌ن مه‌فره‌زه‌ی‌ ئاسایشی‌ هه‌ڵه‌بجه‌ی‌ شه‌هیدی‌ سه‌ر به‌ به‌ڕێوه‌به‌رایه‌تیمان به‌ فه‌رمانی‌ دادوه‌ری‌ لێكۆڵینه‌وه‌ی‌ ئاسایشی‌ شاره‌زوور به‌ پێ‌ ی‌ مادده‌ی‌ (14 ی‌ مخدرات ) له‌ 27/1/2012 كه‌سێك ده‌ستگیركرا به‌ ناوی‌ ( أ .س . ح ) كه‌ ماده‌ی‌ هۆشبه‌ری‌ كێشا بوو و بڕێك مادده‌ی‌ هۆشبه‌ریشی‌ پێبوه‌ و لێكۆڵینه‌وه‌ش له‌و گه‌ڵیدا به‌رده‌وامه‌ و له‌ ئه‌نجامی‌ دادگایی‌ كۆتایی‌ دادگایی‌ كردنه‌كه‌ی‌ ئاگادارتان ده‌كه‌ینه‌وه‌ .

گه‌رانه‌وه‌ بۆ سه‌ره‌تا
 

به‌خێربێن بۆماڵه‌خنجیلانه‌که‌ی هه‌ڵه‌بجه‌       مشتێک له‌خه‌رمانی سه‌رگوزه‌شته‌کانی شار