هاووڵاتیان گوندی (زه‌ڵم ) له‌ناوچه‌ی هه‌ورامان داواكارن قه‌ربوو بكرێنه‌وه‌ .

ڕۆژی چوار شه‌ممه‌ 1/شوبات به‌مه‌به‌ستی له‌نزیكه‌وه‌ ئاگاداربوون له‌ كێشه‌و گرفته‌كانی گوندی (زه‌ڵم ) (گۆران ئه‌دهه‌م ) قائیمقامی قه‌زای هه‌ڵه‌بجه‌ لێپسراوێكی حیزبی  گوندی زه‌ڵمیان به‌سه‌ركرده‌وه‌ ‌ .

له‌لایه‌ن مامۆستای ئاینی گونده‌كه‌و ئه‌نجومه‌نی گوند و گوند نشینان به‌خێرهاتن كران ، دواتر له‌كۆبونه‌وه‌یه‌كدا له‌كێشه‌و گرفته‌كانیان  پرسی نه‌وه‌ ، دوای به‌خێرهاتن گوند نشینان تایبه‌ت به‌وكێشانه‌ی كه‌له‌ئێستادا ڕووبه‌ڕویان بوه‌ته‌وه‌ له‌دوو خالدا كۆیانكرده‌وه‌ ووتیان ” گرفته‌كانی ئیمه‌ بریتین له‌دووخال ، یه‌كه‌م له‌ئێستادا داوی ئه‌وه‌ی به‌دوو شێوه‌ ئاوی سه‌رچاوه‌ی زه‌ڵم ده‌برێت بۆ هه‌ڵه‌بجه‌ و خورماڵ گوندی ئه‌حمه‌د ئاوا ، بریاره‌ به‌شێویه‌كی دیكه‌ ئاوی سه‌رچاوه‌ی زه‌ڵم ببریت بۆ ئه‌حمه‌د ئاوا به‌ناوی گه‌شت و گوزاره‌وه ، ‌ ئه‌مه‌ش ئه‌بیته‌ هۆی ئاوی سه‌رچاوه‌ی زه‌لم كه‌م بیته‌وه‌ زیانی گه‌وره‌ به‌ر ئیمه‌ بكه‌ویت ئێمه‌ش خاوه‌ن موڵك و باخین داواكارین كه‌ به‌رنامه‌ی بردنی ئاوو له‌سه‌رچاوه‌ی ئاوی زه‌ڵم به‌پی ی ئه‌وه‌ی یاساش ریگه‌ی پی داوین نه‌بریت بۆ هیچ شوێنیكی تر ، ووتیان به‌داخه‌وه‌ ئاوو بۆ ئه‌حمه‌د ئاواو خورمال بو خواردنه‌وه‌ چوه‌ ئیستا باخ و باخچه‌یای له‌به‌رده‌مدا كردوه‌ ده‌یان باخچه‌و باخیان له‌به‌ردا كردوه‌ ، دووه‌م سوپاسگوزارین كه‌ حكومه‌تی هه‌رێمی كوردستان پرۆژه‌یه‌كی ڕێگاوبان به‌بڕی نزیكه‌ 13 ملیار دینار جێ به‌جێ ده‌كات كه‌ئه‌مه‌ش كه‌رتی گه‌شت وگوزار ناوچه‌كه‌ زیاتر به‌ره‌و پێش ده‌بات به‌ڵام ئه‌نجامدانی ئه‌م پرۆژه‌یه‌ ئه‌بێته‌ هۆی زیان كه‌وتن به‌چه‌ند باخ و خانوویه‌ك له‌ناوگوندا كه‌به‌رجاده‌ ده‌كه‌ون ئێمه‌ داواكارین به‌شێویه‌كی یاسایی قه‌ره‌بوو بكرێینه‌وه‌ “

( گۆران ئه‌دهه‌م ) قائیمقامی قه‌زای هه‌ڵه‌بجه‌ له‌ ووته‌یه‌كیدا پاش گوێگرتن له‌داواكاری هاووڵاتیان ووتی ” به‌پێ ی ئه‌وه‌ی كه‌ ئێمه‌ پێشتر كارمان له‌سه‌ر ئه‌وه‌ كردوه‌ كه‌ هه‌قی خۆتانه‌ قه‌ره‌بوو بكرێنه‌وه‌ له‌ئێستادا بڕی (513) ملیۆن دینار وه‌ك قه‌ره‌بوو دابینكراوه‌ بۆ ئه‌و ماڵ و باخانه‌ی كه‌ زیانیان لێده‌كه‌وێت ، وه‌ تایبه‌ت به‌ كێشه‌ی ئاووه‌كه‌ش ئێمه‌ قسه‌ له‌گه‌ل سه‌رجه‌م ئه‌و لایه‌نه‌ په‌یوه‌ندیدارانه‌ ده‌كه‌ین به‌مه‌به‌ست چاره‌سه‌ركردنی كێشه‌كانتان ”

هه‌ڤاڵ حه‌مه‌ی حه‌مه‌ سه‌عید له‌وه‌ڵامی داواكاری گوندی (زه‌ڵم ) پشتگیری داواكاریه‌كانی كردن و به‌ڵێنی پێ دان به‌هه‌موو شێوه‌یه‌ك پشتگیریان بكات ووتی پشتگیر و پشتیوانیتان ده‌كه‌ین ، ئێمه‌ هه‌میشه‌ پشتیوانی خه‌ڵكی و گوند نشینان هه‌ژار ده‌بین چونكه‌ ئه‌وانه‌ سوته‌مه‌نی شۆڕش بوون به‌هاوكاری ئه‌وان ئه‌م ده‌سه‌لاته‌ هاتوه‌ته‌ به‌رهه‌م ”

له‌به‌رامبه‌ر لێپسرینه‌وه‌ له‌كێشه‌و گرفته‌كانیان خه‌ڵكی گوندی (زه‌ڵم ) له‌ناوچه‌ی هه‌ورامان زۆر سوپاسییانكردن  كه‌ وا له‌نزیكه‌وه‌ گونده‌كه‌یان به‌سه‌ركردونه‌ته‌وه‌ هه‌وڵ بۆ چاره‌سه‌ر كێشه‌كانیان ئه‌ده‌ن.