هه‌ڵه‌بجه‌ له‌خاكی كه‌ركوكی برده‌وه‌ .

 به‌ئاماده‌یی جه‌ماوه‌رێكی زۆری وه‌رزش دۆست ڕۆژی دوو شه‌ممه‌ ڕێكه‌وتی 9-1-2012  له‌یاریگای نێو ده‌وڵه‌تی هه‌ڵه‌بجه‌ یانه‌ی وه‌رزشی هه‌ڵه‌بجه‌ میوانداری یانه‌ی خاكی كه‌ركوكی كرد ،یانه‌ی هه‌ڵه‌بجه‌ به‌ به‌رگی سپی و خاكی كه‌ركوك به‌به‌رگی سه‌وز ڕووبه‌ڕوی یه‌كتر بوونه‌وه‌ ،له‌سه‌رتای گیمی یه‌كه‌م تاكۆتایی گێم جگه‌ له‌ده‌ستدانی چه‌ند هه‌لێكی گۆڵكردن له‌لایه‌ن یانه‌ی هه‌ڵه‌بجه‌ هیچ لایه‌كیان نه‌یانتوانی گۆڵ تۆمار بكه‌ن .

دواتر له‌گێمی دووه‌م یانه‌ی وه‌رزشی هه‌ڵه‌بجه‌ توانی ببێته‌ خاوه‌نی گۆڵێك له‌ڕێگای (هه‌ڵكه‌وت عبدالرحمن )تۆماركرا ، یاریه‌كه‌ به‌رده‌وام بوو گه‌رچی یانه‌ی خاكی كه‌ركوك چه‌ندین جار هه‌وڵی ئه‌یا گۆڵی به‌رامبه‌ر تۆماربكات بێ سود بوو ،له‌كۆتایدا كۆتایی پێهات به‌سه‌ركه‌وتنی هه‌ڵه‌بجه‌ به‌رامبه‌ر به‌یانه‌ی خاكی كه‌ركوك (1-0) به‌م بردنه‌وه‌ش هه‌ڵه‌بجه‌ بویه‌ خاوه‌نی (17) خاڵ .