هه‌ڵه‌بجه‌ و چه‌مچه‌ماڵ یه‌كسان بوون .

له‌جه‌وله‌ی (12) هه‌مینی خولی یانه‌ پله‌یه‌كه‌كه‌كانی كوردستان له‌یاریگای خۆی  یانه‌ی وه‌رزشی هه‌ڵه‌بجه‌ میوانداری یانه‌ی وه‌رزشی چه‌مچه‌ماڵكرد ، یاریه‌كه‌ له‌یاریگای نێوده‌وڵه‌ی هه‌ڵه‌بجه‌ به‌ڕێوه‌چوو تێدا یانه‌ی هه‌ڵه‌بجه‌ به‌به‌رگی سپی و چه‌مچه‌ماڵ به‌به‌رگی سور ڕوبه‌ڕووی یه‌ك بونه‌وه‌ "هه‌ردوولا هه‌ولێاندا زوتر گۆلی سه‌ركه‌وتن تۆماربكه‌ن و ببن به‌خاوه‌نی (3) خاڵ ، بۆیه‌ له‌ خوله‌كی (34)ی گێمی یه‌كه‌م یاریزان (عه‌لی قاسم ) توانی گۆڵی یه‌كه‌م بۆ یانه‌ی چه‌مچه‌ماڵ تۆماربكات و گێمی یه‌كه‌م كۆتایی پێهات به‌ پێشكه‌وتنی یانه‌كه‌یان به‌سه‌ر هه‌ڵه‌بجه‌ ، له‌سه‌ره‌تای گێمی دووه‌م هه‌ڵه‌بجه‌ هه‌وڵی دا گۆلی به‌رامبه‌ر تۆماربكات بۆیه‌ له‌ خوله‌كی (62) هه‌مین یاری (هیوا ئه‌حمه‌د ) توانی گۆلی یه‌كسانی تۆماربكات بۆ یانه‌ی هه‌ڵه‌بجه‌ ، به‌م شێوه‌یه‌ یاریه‌كه‌ تاكۆتایی مایه‌وه‌ هه‌رچه‌نده‌ هه‌ردوولا هه‌وڵیاندا كه‌ گۆلی سه‌ركه‌وتن تۆماربكه‌ن ، له‌ئێستادا هه‌ڵه‌بجه‌ خاوه‌نی (19) خاڵه‌ و چه‌مچه‌ماڵ (18) خاڵ .