ئاهه‌نگیكی گورانی راپ له‌هه‌ڵه‌بجه‌ ساز ده‌كرێت

بریار وایه‌ له‌چه‌ند رۆژی داهاتوو گروپی (killers) ی سه‌ربه‌ سه‌نته‌ری روناكبیری ئێلبه‌گی جاف/ ماڵی گه‌نجانی هه‌ڵه‌بجه‌ی شه‌هید، بۆ یه‌كه‌مین جار له‌مێژووی شاره‌كه‌و ناوچه‌كه‌دا هه‌ڵده‌ستێت به‌سازدانی كۆنسێرتێك بۆ گۆرانی (راپ).. شایه‌نی باسه‌ ئه‌م گروپه‌ له‌سه‌ره‌تای دامه‌زرادنی ماڵی گه‌نجانی هه‌ڵه‌بجه‌ به‌ئاماده‌بوونی ژماره‌یه‌كی زۆرله‌لاوانء ده‌زگاكانی راگه‌یاندن دامه‌زراندنی خۆیان راگه‌یاندو هه‌تائێستا وه‌ك تاكه‌گروپی ناوچه‌كه‌ له‌كاركردن به‌رده‌وامن.. ژیار وه‌ك لێپرسراوی گروپه‌كه‌ رایگه‌یاند( ئێمه‌ وه‌ك یه‌كه‌م گروپ له‌ناوچه‌كه‌مانداو بۆ تێكشكانی ئه‌وكۆدوبه‌ندانه‌ی كه‌له‌شاره‌كه‌ماندا هه‌یه‌ ده‌ستمان به‌كاره‌كانمانكرد دوای ئه‌وه‌ی چه‌ند تراكێكیشمان له‌رێگه‌ی چه‌ند سایتء بلوتوسه‌وه‌ بڵاوكرده‌وه‌و له‌لایه‌ن گه‌نجانی شاره‌كه‌و بگره‌شاره‌كانیتریش پێشوازییه‌كی گه‌رمی لێكرا، وه‌هه‌رله‌سه‌ر داوای ئه‌وان برِیاماندا ئه‌م كۆنسێرته‌رێكبخه‌ین، كه‌ سه‌رجه‌می تێكستء ئاوازه‌كان له‌لایه‌ن منء به‌ڵنء یه‌كێكیش له‌لایه‌ن سكۆفێڵده‌وه‌نوسراوه‌، وه‌ دیلمانء به‌رهه‌مء هه‌نسك كاری تۆماركردنیان بۆكردووه‌)