لاپه‌ره‌ی تایبه‌ت به‌ مافناس گۆران ئه‌دهه‌م ره‌حیم

هه‌ڵه‌بجه‌ داوایه‌ك ئاراسته‌ی لیژنه‌ی 140 ده‌كات .

لیژنه‌ی مادده‌ی (140) بڕیارێكی ده‌ركردوه‌ به‌پێدانی (10) ملیۆن دینار به‌و كه‌سانه‌ی كه‌ به‌ر شاڵاوی (ڕاگواستن) بونه‌ته‌وه‌ له‌سه‌ر ده‌ستی ده‌سه‌ڵاتی پێشووی عێراق، هه‌ڵه‌بجه‌ش یه‌كێكه‌ له‌و شارانه‌ چه‌ندین جارا ڕووبه‌رووی ڕاگواستن و ماڵكاوی بوه‌ته‌وه‌ قائیمقامی شاره‌كه‌ش داوایه‌ك ئاراسته‌ی لیژنه‌ی مادده‌ی (140) ده‌كات.
گۆران ئه‌دهه‌م قائیمقامی قه‌زای هه‌ڵه‌بجه‌ تایبه‌ت به ناوه‌رۆكی داواكه‌ی ڕایگه‌یاند " به‌حوكمی ئه‌وه‌ی كه‌ هه‌ڵه‌بجه‌ له‌ 16/3/1988 تا ڕاپه‌رینه‌ مه‌زنه‌كه‌ی ساڵی 1991 له‌سه‌دا سه‌دی خه‌ڵكه‌كه‌ی ڕاگوێزراون و ده‌ركراون نامه‌یه‌ك ئاراسته‌ی لیژنه‌ی مادده‌ی (140) ده‌كه‌م بۆ ئه‌وه‌ی سه‌رجه‌م هه‌ڵه‌بجه‌یه‌كان به‌بێ جیاوازی سود مه‌ندی ئه‌م بڕیاره‌ ببن كه‌ منحه‌ی (10) ملیۆن دیناری بیانگرێته‌وه‌ چونكه‌ 100% خه‌ڵكه‌كه‌ بۆ چه‌ند ساڵێك لێره‌ ڕاگوێزراون بێ به‌ش كراون له‌ژیان له‌سه‌ر خاكی خۆیان "
تایبه‌ت به‌وه‌ی ئایا ئه‌م منحه‌یه‌ زیان به‌قه‌ره‌بوه‌كانی دیكه‌ ناگه‌یه‌نێت ئه‌گه‌ر به‌هه‌ڵه‌بجه‌ بدرێت ، قائیمقامی قه‌زای هه‌ڵه‌بجه‌ ووتی " ئه‌مه‌ جیاواز هه‌ر بڕیارێك كه‌ بدرێت بۆ قه‌ره‌بووكردنه‌وه‌ له‌گه‌ل پێدانی منحه‌ جیاوازه‌ و هه‌ڵه‌بجه‌ش هه‌قی خۆیه‌تی هه‌م قه‌ره‌بوو بكرێته‌وه‌ وه‌ له‌هه‌مانكاتدا هه‌م منحه‌كه‌ی پێبدرێت بۆیه‌ ئێستا نوسراوێكی چه‌ند خاڵی ئاراسته‌ی لیژنه‌كه‌ ده‌كه‌م بۆ وه‌رگرتنی ڕه‌زامه‌ندیان له‌سه‌ر ئه‌م داوایه‌ چونكه‌ مافێكی گشتی هاووڵاتیانی شاره‌كه‌ "