وه‌ك پلانێكی نوێ ی قائمقامیه‌تی قه‌زای هه‌ڵه‌بجه‌ له‌كاره‌كانی ساڵی نوێ ی و به‌مه‌ستی زیاتر گوێگرتن له‌كێشه‌كانیان قائمقامی قه‌زای هه‌ڵه‌بجه‌ له‌گه‌ڵ رادیۆناوخۆكانی شاری هه‌ڵه‌بجه‌ كۆبویه‌وه‌ ،

گۆران ئه‌دهه‌م رِه‌حیم به‌میدیاكارانی رِاگه‌یاند" مه‌به‌ستی سه‌ره‌كیمان له‌م كۆبونه‌وه‌یه‌ وه‌رگرتنی رِاوو بۆچونی راگه‌یاند كارانه‌ له‌سه‌ر پیداوستی خه‌ڵكانی شار ، داواكارم ئیوه‌ له‌رِێگای رِادیۆكانتانه‌وه‌ زیاتر هه‌واڵ بده‌ن ببنه‌ په‌یوه‌ندیه‌كی به‌رده‌وام له‌گه‌یاندنی دواكاریه‌كانی خه‌ڵك به‌لایه‌نی به‌رپرس ،وه‌ پێوسته‌ هه‌موومان له‌نزیكه‌وه‌ خزمه‌تكارێكی به‌رده‌وام بین بۆزیاتر ئاوه‌دانكردنه‌وه‌ی شار "

له‌به‌شێكی دیكه‌ی دانشتنه‌كه‌دا گۆێگیرا له‌كیشه‌و پێداویستی یه‌كانی رادیۆناوخۆكانی شارو برِیار درا به‌گوێره‌ی پێوست چاره‌سه‌ری شیاو بۆكێشه‌كانیان بدۆزیته‌وه‌ و هاوكاری زیاتر بكرێن له‌دابینكردنی كاره‌بایی به‌رده‌وام بۆزیاتر خزمه‌تكردن ،

لای خۆشیانه‌وه‌ نوێنه‌رانی رِادیۆناوخۆیه‌كانی شاری هه‌ڵه‌بجه‌ پێانوابوو ئه‌م جۆره‌ دانشتن و كۆبونه‌وه‌یه‌ گرنگ خۆی ده‌بیت هیوایان خواست به‌رده‌وام بیت ،

له‌به‌شێكی دیكه‌ی داواكاریه‌كانی نێدراوی رِادیۆناوخۆیه‌كانی شار داوایانكرد بۆزیاتر گوێگرتن له‌خه‌ڵكای شاری هه‌ڵه‌بجه‌ قائمقامیه‌تی هه‌ڵه‌بجه‌ مانگانه‌ یاخود 15 رۆژ جارێك له‌به‌رنامه‌یه‌كی راسته‌وخۆی 30 خوله‌كی له‌یه‌كێك له‌رِادیۆكانی شاری هه‌ڵه‌بجه‌ گوێ له‌كه‌م و كورتیه‌كان و پیداوستی یه‌كانی خه‌ڵك بگرێت ،

له‌كۆتایی دانیشتنه‌كه‌دا گۆران ئه‌دهه‌م قائمقامی قه‌زای هه‌ڵه‌بجه‌ وێرِای پشتوانی وهاوكاری به‌ڵێنی دا به‌ده‌م داواكاریه‌كه‌یانه‌وه‌ بێت ، داوای له‌میدیاكاران كرد كه‌ هه‌ڵه‌بجه‌ رِۆژانه‌ میوانی به‌رده‌وام دێت وه‌ كۆمه‌ڵێك پرۆژه‌ی ناوازه‌ له‌م شاره‌دا ئه‌نجام ده‌درێت پێوسته‌ ته‌واوی خه‌ڵكانی شاره‌كه‌ له‌م شتانه‌ ئاگاداربن بگوازرێته‌وه‌ ،