لاپه‌ره‌ی تایبه‌ت به‌ مافناس گۆران ئه‌دهه‌م ره‌حیم

گۆران ئه‌دهه‌م ئۆفیسی كرده‌وه‌رِێكخراوی (S.P.I)

به‌مه‌به‌ستی هاوكاریكردنی منالانی خاوه‌ن پێداروستی تایبه‌ت ریكخراوی (S.P.I) ئۆفیسێك ده‌كاته‌وه‌ ،سه‌رله‌به‌یانی رۆژی چوار شه‌ممه‌ رێكه‌وتی 15-12-2010 به‌ئاماده‌بونی گۆران ئه‌دهه‌م قائیمقامی قه‌زای هه‌ڵه‌بجه‌ خدر كریم سه‌رۆكی شاره‌وانی هه‌ڵه‌بجه‌ ئۆفیسی هه‌ڵه‌بجه‌ كرایه‌وه‌ ،
ئه‌مه‌و سه‌رۆكی ریكخراوی (S.P.I) به‌ناوی ( جون دیباسكویلی ) به‌شداریكرد له‌ كردنه‌وه‌ی ئه‌و ئۆفیسه‌دا ، هه‌ر یه‌ك له‌ قائمقامی قه‌زای هه‌له‌بجه‌ و سه‌رۆكی شاره‌وانی وێرای پیرۆزبای كردنه‌وه‌ پشتوانی خۆیان بۆ هاوكاریكردن و سه‌رخستنی پرۆژه‌كانیان دووپاتكرده‌وه‌ ،

سه‌ركۆ هه‌له‌بجه‌ی‌ به‌رپرسی ئۆفیسی هه‌ڵه‌بجه‌ تایبه‌ت به‌بونی ئه‌م ئۆفیسه‌ له‌شاری هه‌ڵه‌بجه‌ و كاره‌كانی گوتی " مه‌به‌ستی سه‌ره‌كی ئه‌م ئۆفسه‌ هاندانی لایه‌نه‌ په‌یوه‌ندیداره‌كان بۆ هه‌رپرۆژه‌یه‌ك له‌شاری هه‌ڵه‌بجه‌ كه‌ به‌رِێوه‌بچێت ، كاری سه‌ره‌كیشمان هاوكاریكردنی مناڵانی خاوه‌ن پیداوستی تایبه‌ته‌ له‌م شاره‌دا "
تایبه‌ت به‌به‌رنامه‌ی كاری نوێیان هه‌له‌بجه‌ی گوتی "له‌نزیكترین ماوه‌دا چه‌ندین عه‌ره‌بانه‌ بۆ مناڵانی خاوه‌ن پیداوستی تایبه‌ت دێنین دابه‌ش ده‌ركین كه‌ له‌توركیاوه‌ ده‌یهێنین ، ساڵانه‌ش چه‌ندین دیاری له‌لایه‌ن مناڵانی ئه‌مریكاوه‌ بۆ مناڵانی هه‌ڵه‌بجه‌ هێناوه‌مانه‌ له‌ماوه‌ی پێشودا كه‌ ئۆفیشمان نه‌بووه‌ ده‌هێنین و زیاتریشی ده‌كه‌ین بۆ ئه‌وه‌ی زیاتر خزمه‌ت به‌مناڵانی خاوه‌ن پیداوستی تایبه‌ت بكه‌ین له‌م شاره‌دا "
به‌رپرسی ئۆفیسی (S.P.I) له‌ كاره‌ناوازه‌كانی كه‌ ئه‌م ئۆفیسه‌ ئه‌یكات له‌شاری هه‌ڵه‌بجه‌ ئاشكرای كرد كه‌ "هه‌ڵده‌ستن به‌هێنانی تیمێكی پزیشكی تایبه‌ت له‌ئه‌مریكاوه‌ بۆ ئه‌و مناڵانه‌ی كه‌ نه‌خۆشی دڵیان هه‌یه‌ "
ریكخراوی (S.P.I) ریكخراویكی گه‌روه‌ی جیهانی ئه‌مریكی یه‌ بنكه‌ی سه‌ره‌كی له‌ئه‌مریكایه‌ له‌ 15-12-2010 له‌شاری هه‌ڵه‌بجه‌ ئۆفیسی تایبه‌تی خۆی بۆ خزمه‌تكردن كرده‌وه‌ .