كوفارى  هه له بجه  كوفاريكى  وه رزى  سه نته رى  روشنبيرى  هه له بجه ده ريده كات

                 

  هه‌ڵه‌بجه‌

ئیبراهیم هه‌ورامانى
هه‌ڵه‌بجه‌
منداڵێكى عه‌جوله‌
به‌دیار جریوه‌ى ئه‌ستێرانه‌وه‌
نامه‌ عاشقه‌كانى,
بۆ گه‌لاَى وه‌ریو و
كانى تۆراو
شۆرِه‌بى یه‌ شه‌رمنه‌كان
ده‌خوێنێته‌وه‌.
له‌ژێر رِه‌حمه‌تى بارانا
هه‌ڵه‌بجه‌,
حه‌رف, به‌ حه‌رفى رِژاوى
شیعرى ته‌رِبوو,
ده‌هۆنێته‌وه‌.
هه‌ڵه‌بجه‌,
منداڵێكى عه‌جوله‌....
به‌چه‌شنى بایه‌كى بزێو و
له‌ ده‌رگاى...
ماڵى وه‌نه‌وشه‌ و
سیاچه‌مانه‌و
هه‌ڵوه‌رینى په‌لكه‌ زێرِینه‌ ده‌دا.
هه‌ڵه‌بجه‌...كچه‌ شه‌رمنه‌كه‌ى نیشتمانه‌...
له‌ته‌ك ئه‌ڵلاَ هو ئه‌كبه‌رى به‌یانا
گه‌مه‌ له‌گه‌ڵ كانیله‌ ده‌كات و
چاوشاركىَ له‌ته‌ك ئه‌ستێرانا
هه‌ڵه‌بجه‌...
منداڵێكه‌, چه‌تون...
چه‌تون...
نه‌به‌رد له‌ شوشه‌ ده‌هاوىَ و
نه‌ گه‌لاَى دره‌ختان زویر ده‌كا و
نه‌گه‌مه‌ى مندالاَن ده‌شێوێنىَ...
هه‌ڵه‌بجه‌, چه‌تونه‌...
چه‌تون
تارِاده‌ى عاشق بوون...

                       

به‌خێربێن بۆماڵه‌خنجیلانه‌که‌ی هه‌ڵه‌بجه‌       مشتێک له‌خه‌رمانی سه‌رگوزه‌شته‌کانی شار