كوفارى  هه له بجه  كوفاريكى  وه رزى  سه نته رى  روشنبيرى  هه له بجه ده ريده كات

چه‌پكىَ له‌ شیعرى(سه‌لاح عه‌ بدول سه‌بور)

و: ئه‌حمه‌د سه‌لام
(1)
وه‌رن بۆلام وه‌رن بۆلام
غه‌داره‌كان, هه‌ژاره‌كان, نه‌خۆشه‌كان
ئه‌ى دڵشكاو و جه‌سته‌ شكاوه‌كان
واسفره‌ و خوانم سازداوه‌
وه‌رن بۆلام وه‌رن بۆلام
با پارویه‌ك قسه‌ى نه‌سته‌ق
بۆ سه‌ره‌رِۆیى ئه‌م زه‌مه‌نه‌
بىَ هوده‌یه‌...
به‌گه‌روماندا ئاودیوبكه‌ین !
با سوپاسى دڵى هێورى خۆمان بكه‌ین
تا له‌شه‌تاوى رِاستگۆیى دا
له‌نگه‌ر بگرین...
ئه‌ى داخ ! ئه‌قڵ و هۆشمان
له‌ خشته‌ى بردوین
ده‌وه‌رن بۆلام ده‌وه‌رن بۆلام
(2)
ئه‌م سه‌رده‌مه‌ سه‌رده‌مى ماف لووشدانه‌ !
كوژرا و بكوژه‌كه‌ى خۆى ناناسێته‌وه‌
هه‌ر نایشزانىَ كه‌ى كوشتویه‌تى ؟
ئه‌وه‌ سه‌رى ئاده‌میزاد ه‌ وابه‌جه‌سته‌ى ئاژه‌لاَنه‌وه‌
ناسه‌رى ئاژه‌لاَنه‌ وا به‌ جه‌سته‌ى
ئاده‌میزادانه‌وه‌
برا ده‌ستىَ به‌سه‌ر تانا بێنن !
ده‌ستىَ به‌سه‌ر تانا بێنن !
(3)
له‌رِىَ و بانه‌كاندا به‌ دواتاده‌گه‌رێم
سه‌رسام وه‌ستاوى !
وایت له‌ كات و ساتێكى شكۆیدا
وه‌ك چادرێكى ئاو ریشمین هه‌ڵدراوى
شنه‌ى بایه‌كى فێنكى هاوین رِاتده‌وه‌شێنىَ
با(با)ى سه‌ر له‌به‌یانیه‌كى ته‌ماوى و باراناوى
گوریسه‌كانت خاو ده‌كاته‌وه‌
ورده‌ ورده‌
سیمات ده‌كه‌وێته‌ رِوو...
خۆى ده‌دا له‌ رِه‌شایى سێبه‌رى منى به‌نده‌ !
وه‌خته‌ ده‌ست به‌ گفتوگۆبكه‌ین
له‌ پرِ زمانمان له‌ گۆ ده‌كه‌وىَ
لاڵ ده‌بین !

 

به‌خێربێن بۆماڵه‌خنجیلانه‌که‌ی هه‌ڵه‌بجه‌       مشتێک له‌خه‌رمانی سه‌رگوزه‌شته‌کانی شار