|
|
|
دووباره بانگهواز بۆ ههڵهبجهییهکانی نیشتهجێی ههندهران لهمانگی نۆڤهمبهری ساڵی ڕابردوودا ئهم بانگهوازهم بڵاوکردهووه، لێ مخابن تهنها یهک دوو ههڵهبجهیی پهیوهندیان پێوهکردم و وێنهو زانیاریان یان نارد که جێگهی ستایشن،جابۆیه بهپێویستم زانی که بانگهوازهکه دووبارهبکهمهوه،بهوهیوایهی لهوژمارهزۆرهی ههڵهبجهییانی نیشتهجێی ههندهران پهیوهندی بکهن وچاپی دووهمی کتێبهکه جوانترو دهوڵهمهنتر بکهن.باههموومان بهشداریمان له تۆمارکردنی دیرۆکی باژێڕهکهماندا ههبێت. ************************ لهدوای کارهساتهکهی باژێڕی ههڵهبجه گرنگیهکی تایبهت لهلایهن ڕۆشنبیرانی کوردو بیانیهوه درایه ئهو باژێڕه،کۆمهڵێک بابهت و لێکۆڵینهوهو شیعرو چیرۆک وگۆڤارو کتێب و بابهتی ئهدهبی بڵاو کرانهوه. ئهوهی گرنگه ئاماژهی پێبدهم ئهو کتێبانهن که لهلایهن خودی ههڵهبجهییهکانهوه نووسراون.ئهوهندهی من ئاگاداربم تائێستا سێ کتێب لهو بارهوه نووسراون،کتێبی یهکهم لهلایهن کاک عبدوڵا ملا فهرهج {ملاعلی} بهنێوی [ههڵهبجه له کڵاوڕۆژنهی مێژووهوه].کتیبێکی گچکهی 50 لاپهڕهییه ساڵی 2000 بهچاپ گهیهندراوه. کتیبی دووم لهلایهن برای نووسهر کاک حکیم ملاسالح نووسراوه، بهنیوی [ههڵهبجه له ئامێزی مێژوودا].350 لاپهڕهیهیه وبه قهوارهیهکی مامناوهندی ،ساڵی2004 چاپکراوه. کتێبی سییهم بهنیوی [ههڵهبجهو کهسایهتیهکانی ] ئهم بهرههمه پتر به ئهلبوومی مێژوویی وێنه دهناسرێت وهک له کتیب ،قهوارهکهی مهزنهو لاپهرهکانیشی پتر له 550 لاپهڕهیه ساڵی 2005 چاپکراوه.
ههرسێ کتێبهکه پتر گرنگیان بهمێژووی شارهکهو دوهورووبهری داوه له ههمووبوارهکاندا، واته مێژووین وهک به ناوهکانیشیاندا دیاره.
بانگهوازهکهم پهیوهسته بهکتێبی سێیهمهوه، واته کتێبهکهی کاک ئازاد حمدی، ئهم کتێبه سهدهاوێنهی کهسایهتهیکانی شاری ههڵهبجهو بنهکاڵهو خێزان و بۆنهو ڕووداوهکانی لهخۆگرتووه،لهپهراوێزی ههر وینهیهکدا ئاماژه به ناوی کهسهکان و سال و بۆنهکهکراوه.مێژووی ههندێک لهوێنهکان دهگهڕێتهوه بۆ ناوهڕاستی سهدهی ڕابردوو. لهبهر گرنگی کتێبهکهو سهرف بوونی سهرجهم ژمارهکانی لهبازاڕداو داواکردنی ههڵهبجهییهکان بۆ ژمارهی پتر، کاک ئازاد بڕیاریدا سهرلهنوی به چاپی بگهیهنێتهوه. بۆ ئهم مهبهسته داوالهسهرجهم ههڵهبجهییهکانی نیشتهجێی ههندهران دهکهم ،ههر وێنهیهک هی خۆی،خێزان پێکهوه،تاکهکانی خێزان، لهگهڵ برادهران،هاوپۆلان،هی چالاکی و ههروێنیهک پهیوهندی بهشاری ههڵهبجهوه ههیه بۆمنی بنێرن تا له چاپی دوومدا بڵاوبکرێنهوه. با وێنهکان ئۆرگینال بن واته کۆپی نهبن،پاشان بۆیان دهگێڕمهوه. تکایه لهگهڵ ههر وێنهیهکدا چ زانیاری ههیه بینووسن،وهک ناوی کهسهکان ،ناوی جێگهکه ناوی بۆنهکه مێژووهکهی وتاد. تکایه ههرچیتان لهسهر ئهو باژێڕه ههیه بهزووترین کات بۆمان بنێرن چونکه چاپی دووهم چاوهڕێمانه.
halabja@ofir.dk بۆ پهیوهندی/
تێبینی/ *دوو نامیلکهی دیکه لهسهر ههڵهبجه بلاوکراونهتهوه، یهکێکیان لهشێوهی چیرۆکێکی تراژیدایه که له ساتی کارهساتهکهدا ڕوویداوه، لهنووسینی ئهندازیار کاک عومهر عینایهت. دوومیش بهنێوی تیشکێک لهسهر نرکهوناڵهی بهناو ئهنفالهکان، که گێڕانهوهی بهسهرهاتی چهندین خێزانی ههڵهبجهییه که بۆ نووگرهسهلمان نێرراون،لهنوسینی باوکی تارایه. *گهر بوار بوو بهنیازم له ئایندهدا بابهتێکی ههڵسهنگاندن لهسهر ئهو کتێبانه بنووسم.
گۆران ههڵهبجهیی/دانمارک |
|
|
 |