|
|
 |
|
لهكڵاشینكۆفهوه بۆ كیبۆرد* گۆران ههڵبجهیی رِۆژانی [3./11-1/12]زانكۆی ئۆدنسه له دانمارك بههاوكاری زانكۆی سهلاحهدین له كوردستان .كۆنفرانسێكی ئینتهرناشناڵی لهمهرِ دۆزى كوردله ئامێز گرت , كه بهنێونیشانی {دهساڵ له ئیدارهى خۆیی و فرسهتی ئاینده}بوو.لهكۆنفرانسهكهدا چهندین ئهكایمی وپرۆفیسۆرء سیاسهتمهدار وپسپۆرِی بوواره جیاجیاكان كه له چهندین زانكۆی جیهانهوه هاتبوون بابهتی خۆیان پێشكهشكرد. ههرچیش پهیوهندی بهلایهنى كوردیهوه ههیه ئهم بهرِێزانه بهشداریان تێداكرد: ـ دكتۆر مهحمود عوسمان سیاسهتمهداری كورد. ـ سامی عهبدولرهحمان جێگری سهرۆك وهزیران.* ـ دكتۆر شهفیق قهزاز وهزیری كاروباری مرۆڤایهتى. ـ دكتۆر محهمهد ئیحسان وهزیری مافی مرۆڤ . ـ هیوا عوسمان ژۆرنالیست . ههروهها دۆستى ههمیشهیی كورد دكتۆر منزر ئهلفهزل بابهتێكی تێروتهسهل وبهپێزی بهناوى فیدرالیزم و ئایندهی عێراق پێشكهشكرد. كۆنفرانسهكه له سێ تهوهر پێكهاتبوو وه ههرتهوهرێكیش له چهند پانێلێك وهههر پانێلێكیش لهچهند بابهتێك. تهوهری یهكهم بهناوی كوردستانی عێراق پێشڤهچوونه خۆجێییهكان بوو,كهچهند بابهتێكی لهخۆگرتبوو وهك : ـ كوردو سیاسهتی چاوهرِوانكراو لهگهڵ رِژێمی ئایندهی عێراقد.{ دكتۆر مهحمود عوسمان } ـ ئهوتۆنۆمی كورد لهعێراق لهتابلۆی مێژود. {Dr.Ofra Bengio}زانكۆی تهلئهبیب لهئیسرائیل. ـ كوردی عێراق له نێوان تراجیدیاوهیواد.(professor Michael Gunter) زانكۆی تهننهسسی ئهمهریك. ـ دهسكهوته ناسكهكان لهمیانهی دۆخێكى نهگۆرِدا : سیاسهتی ئابووری له كوردستانى عێراق. {Leezenberg Dr. Michiel}زانكۆی ئهمستهردام هۆڵهنده. ـ دیموكراتیزهكردن, فیدرالیزم لهگهڵ پێناسهی سیاسی لهكوردستانى عێراق.professor Carole Leary زانكۆی واشنتۆن ئهمهریك. ـ مافی مرۆڤ لهكوردستان { دكتۆر ممحهمهد ئیحسان} ـ له كڵاشینكۆفهوه بۆ كیبۆرد: میدیای كوردی عێراق لهشاخ دێته خوارهوه.(Ms.Maggy Zanger) زانكۆی ئهمهریكی له قاهره. لهتهوهرى دووهمدا كهناونیشانى كوردستانی عێراق و پیچشڤهچوونهجیهانیهكان بوو ئهم باسانهى تیا پیشكهشكرا : پارێزگاریكردنی كوردPeter W.Glarry)) زانكۆی پاراستنى نهتهوهیی ئهمهریكا ـ پرۆگرامی نهوت بهرامبهر به خۆراك , رِۆڵی UN و رِێكخراوی GOI. (Mr.Stafford Clary){راوێژكاری كاروباری مرۆڤایهتى له حكومهتی كوردستان. ـ پهیوهندیهكانى ئهمهریكا و ئیداره كوردیهكان: مامهڵهكردن لهتهك WMD ی عێراقی. Mr. Mike Amity)}سهرۆكی پهیمانگای واشنتۆن له ئهمهریك.ـ فاكتهره دهرهكیهكان خواست و ئاواته نهته وهییهكانی كورد دیارى دهكهن. Dr. Denise Natali ) }زانستكار لهئنستیتوتی وانشنتۆنى كوردی.دووا تهوهر بهناوى كوردستانى عێراق و پێشڤهچوونهكانی ههرێمهكه بوو, ئهم باسانهی لهخۆگرتبوو: ـ ههوڵومهرجی ههنووكهی عێراق ) professor Amatzia Baram} زانكۆی حهیفا ئیسرائیل. ـ بزافی ئیسلامی له كوردستانى عێراق {هیوا عوسمان} رِۆژنامهنووسى سهربهخۆ. ـ رِۆلی توركیا لهسهر كوردستانی عێراق وه بهپێچهوانهوه.{Dr. Hakan Yavuz}یاریدهدهری پرۆفیسۆر لهزانكۆی ییوتاه ئهمهریك. ـ رِۆڵی ئێران لهسهركوردستانی عێراق وهبهپێچهوانهوه.{ Professor Nader Entessar}ـ كورد لهپاش عێراقی سهددام {Dr. Sophia I. Wanche} ـ سیبناریۆ نهێنیهكان لهمهرِكورد.{Mr.Chrhs Kutschera}نووسهرو رِۆژنامهنووس فهرهنس. گهرهكمه ئاماژه به چهند خاڵێك بكهم : · وهك له رِێكلامی كۆنفرانسهكهدا رِاگهیهنرا دهبوو چهند كهسایهتییهكی ئهكادیمی و سیاسىو حكومى دیكه بهشداری بكهن وهك كاك نێچیرڤان بهرزانى سهرۆك وهزیرانى حكومهتی ههرێم, پرۆفیسۆر ئهدمۆن غهریب , خاتوو دانیال میتران. بهڵام وهك ئاگاداركراین لهبهر چهند هۆیهك كهپهیوهندی به كارهكانیانهوهههبووه بۆیاننهكرا ئامادهبن. · ئامادهبوونی ژمارهیهكی زۆر له خوێندكارانی خودی زانكۆی ئۆدنسه كهبێگومان ئهوباسانه سوودمهند دهبێت له بواری خوێندنهكهیاند. · تێكرِا باسهكان بهپێزو له ئاستێكی باڵای ئهكادیمیدا بوون. · زۆر له بابهتهكان كاتی پتریان ههڵدهگرت ئهمهش وایكرد بهرِێوهبهرانی پانێلهكان ههندێ جار پێیان ببرِن بهر لهكۆتاییان . ئهم پێبرِینانهش لهبهرژهوهندی كارنامهی كۆنفرانسهكه بوون. · له رِووی خزمهتگوزاری وورِوهكانى دیكهوه ریِكوپێك بوو ,ئهمهش دهگهرِێتهوه بۆ رِۆڵی چاكى ههڵسورِێنهری كۆنفرانسهكه دكتۆر ساڵح كهلهههمان زانكۆ مامۆستایه. · ئامادهنهبوونی میدیای دانماركی لهگهڵ ئهوهشدا كه بانكهێشت كرابوون. · تهنها میدیایهك ئامادهبوو میدیاى كوردی بوو كهبریتى بوون له : زۆربهی دهزگاكانی پارتی وهك تهلهفزیون رِادیۆ رِۆژنامه , رِۆژنامهی هاوڵاتى, كورد تى ڤی له كۆبنهاگن , رِۆژنامهی رِێگای كوردستان . تێبینی: * كیبۆرد لهو حهی نووسینی كۆمپیوتهر · لێرهدا مهبهست له حكوومهتهكهی ههولێره
|
|
|
 |